سرینگر-جموں قومی شاہراہَس پٮ۪ٹھ اکہِ دۄہۍ بیٚیہِ اُک طرفہٕ ٹریفک شروع۔

سرینگر-جموں قومی شاہراہَس پٮ۪ٹھ اکھ طرفہٕ ٹریفک نقل و حرکت، یوٚس وادی کشمیر باقی مُلکَس سۭتۍ جوڑان چھِ، آیہِ ژٔنٛدٕروارِ دۄہ اکہِ دۄہ پتہٕ بحال کرنہٕ۔
یہِ چھُ یاد یِوان زِ رام بن ضِلعَس منٛز واریٛاہَن جایَن پٮ۪ٹھ مرمت تہٕ مٔزیٖد توسیع کہِ وجہ سۭتۍ ٲس راتھ قومی شاہراہ ٹریفک خٲطرٕ بنٛد کرنہٕ آمٕژ۔

ٹریفک حکامَو ووٚن زِ قومی شاہراہَس پٮ۪ٹھ چھِ مُسافِر گاڑٮ۪ن ہٕنٛز اَکہِ طرفہٕ نقل و حرکت بحال کرنہٕ آمٕژ تہٕ گاڑٮ۪ن چھُ ژٔنٛدٕروارِ دۄہ جموں پٮ۪ٹھٕ سری نگر گژھنُک اِجازت دِنہٕ آمُت۔