نوجوان چھِ نہٕ صرف مُلکہٕ تہٕ قوم کِہ مستقبلٕکی معمار۔ بلکہ معاشرچ تعمیرتہٕ ترقی منٛزتہِ چھِ یِم اہم کردار ادا کران:ڈاکٹر فاروق عبداللہ

جموں و کشمیر نیشنل کانفرنسٕکۍ صدر تہٕ سٲبقہٕ وزیر اعلیٰ ڈاکٹر فاروق عبداللہَن ووٚن بۄدوارِ دۄہ زِ نوجوان چھِ نہٕ صرف مُلکہٕ تہٕ قوم کِہ مستقبلٕکی معمار۔ بلکہ معاشرچ تعمیرتہٕ ترقی منٛزتہِ چھِ یِم اہم کردار ادا کران پرٛٮ۪تھ سطحَس پٮ۪ٹھ چھِ یِہنٛز حوصلہٕ اَفزٲیی تہٕ رہنمٲیی امہِ وقتہٕ سیٹھاہ اہمیت۔ پارٹی ہیڈ کوارٹرَس منٛز أکِس اجلاسَس منٛز خطاب کران ووٚن ڈاکٹر فاروق عبداللہَن زِ جموں و کشمیر کٮ۪ن مفاداتن ہٕنٛز حِفاظتٕچ بُنیٲدی ذمہٕ دٲری چھِ نوجوانَن ہٕنٛدٮ۪ن پھیکٮ۪ن پٮ۪ٹھ، تہٕ تِمَن پَزِ یہِ کِردار پوٗرٕ پٲٹھۍ سمجھُن تہٕ پوٗرٕ کرُن۔ تٔمۍ ووٚن، ‘نوجوان چھِ کُنہِ تہِ قومُک قۭمتی اثاثہٕ۔’