مریضَن ہٕنٛدِس حفاظتَس پیٹھ قومی کانفرنسٕچ افتتٲحی تقریٖبہِ منٛز عمر عبداللہ سُنٛد خطاب

جموں و کشمیرٕکۍ وزیر اعلیٰ عمر عبداللہ ہَن کوٚر بَٹہٕ وارِ دۄہ شیر کشمیر انٹرنیشنل کنونشن سینٹرس (ایس کے آئی سی سی) منٛز عالمی شہرت یافتہ ڈل جھیل کِس بٔٹِھس پیٹھ منعقد گژھن واجنہِ مریضن ہٕنٛدِ حفاظتَس پیٹھ قومی کانفرنسٕچ افتتٲحی تقریٖبہِ خٕطاب ۔ اَمہِ موقعَس پٮ۪ٹھ کٔر تٔمۍ مریضَن ہٕنٛز دیکھ بھال تہٕ تِہٕنٛز حفاظت یقینی بناونٕچ اہمیتَس پٮ۪ٹھ زور۔ تٔمۍ دِیُت جموں و کشمیرٕک ہسپتالَن منٛز حفٲظتی معیار بڑاونہٕ خٲطرٕ قٲبلِ عمل نتٲیجن پٮ۪ٹھ زور۔ یہِ زانکٲری آیہِ وزیر اعلیٰ سٕنٛدِس دفترس ‘X’ ہینڈلَس پیٹھ أکِس پوسٹ ذٔریعہٕ دِنہٕ۔ پوسٹَس منٛز اوسُکھ ونٛنہٕ آمُت: ‘وزیر اعلیٰ عمر عبداللہ ہَن کوٚر آز ایس کے آیی سی سی یَس منٛز مریضَن ہٕنٛدِ حفاظتَس پیٹھ قومی کانفرنسہِ ہٕنٛز افتتٲحی تقریٖبہِ خٕطاب ۔ پوسٹَس منٛز اوسُکھ ونٛنہٕ آمُت: ‘تٔمۍ کٔر مریضَن ہٕنٛز دیکھ بھال تہٕ تِہٕنٛز حفاظت یقینی بناونٕچ اہمیتَس پٮ۪ٹھ زور تہٕ جموں و کشمیر کٮ۪ن ہسپتالَن منٛز حفٲظتی معیار بڑاونہٕ خٲطرٕ قٲبلِ عمل نتیجن پٮ۪ٹھ زور دِیُت’۔ وزیر اعلیٰ ووٚن زِ مریضَن ہٕنٛز حفاظت یقینی بناونہٕ بغٲر ہٮ۪کو نہٕ معیارٕچ ضمانت دِتھ۔