سمارٹ میٹر 100 فیصد لاگنہٕ پتہٕ یِیہِ غریب گَرَن 200 یونٹ مُفت بجلی فراہم کرنہٕ: وزیر اعلیٰ عمرعبداللہ

یہ اعلان کران زِ جموں و کشمیرٕچ ریاستُک درجہ بحال کرنہٕ سۭتۍ یِیہِ پبلک سیفٹی ایکٹ منسوخ کرنہٕ، وزیر اعلیٰ عمر عبداللہ ہَن ووٚن زِ بڈگام اسمبلی سیٹہِ خٲطرٕ نیشنل کانفرنسٕکۍ امیدوارُک اعلان یِیہِ یِنہٕ والٮ۪ن 48 گٲنٛٹن انٛدر انٛدر کرنہٕ۔ تٔمۍ ووٚن یہِ تہِ زِ ریزرویشن رِپورٹَس مُتعلِق کابینہ میمو یِیہِ نہٕ توٚتام عام کرنہٕ یوٚت تام نہٕ لیفٹیننٹ گورنر سٕنٛدِ دستخط کرنہٕ۔ أتھۍ دوران ووٚن تٔمۍ زِ سمارٹ میٹرَن ہٕنٛز پوٗرٕ تنصیب پتہٕ یِیہِ غریب گَرَن 200 یونٹ مُفت بجلی فراہم کرنہٕ۔ سی این آیی مُطٲبِق ووٚن سرینگرَس منٛز أکِس بھرِتھ پریس کانفرنسہِ خٕطاب کٔرِتھ وزیر اعلیٰ عمر عبداللہ ہَن زِ نیشنل کانفرنس کَرِ یِنہٕ والٮ۪ن 48 گٲنٛٹن انٛدر بڈگام حلقہٕ پیٹھٕ پنٕنۍ امیدوارُک اعلان۔ وزیر اعلیٰ ووٚن زِ تٔمۍ سٕنٛز پارٹی چھِ پننِس منشورَس پیٹھ پرعزم تہٕ کَرِ پننِس دورَس منٛز کرنہٕ آمُت پرٮ۪تھ وعدٕ پورٕ۔ عمر عبداللہ ہَن ووٚن زِ أسۍ چھِ بجلی باپتھ پرعزم ۔