پوٗنٛچھس منٛز ڈرگ ڈیلر گِرِفتار، ہیروئِن ہیوٗ مادٕ برآمد: پُلیس

منشیاتَس خٕلاف کاروٲیی جٲری تھٲوِتھ کٔر جموں و کشمیر پولیسَن پوٗنٛچھ ضِلعَس منٛز زٕ ڈرگ ڈیلر گِرِفتار تہٕ یِمَن نِش کوٚرُکھ ہیروئِن ہیوٗ ممنوعہ مادٕ برآمد ۔ پُلسہٕ ترجمانَن ووٚن زِ پوٗنٛچھ پُلسہٕ تھانہٕ کہِ ٹیٖمَن کٔر پھمبر گُرسایی منٛز اکھ چوکی قٲیِم۔ تٔمۍ ووٚن زِ اَتھ وقتَس دوران آیہِ اکھ آلٹو کار یَتھ نمبر JK02AH-3670 ٲس، یۄس پامروت سرنکوٹُک روزَن وٲلہِ اللہ دِتا سُنٛد نیٚچُو عبدالعزیز چلاوان اوس تہٕ أمِس سۭتۍ اوس زاہد احمد سُنٛد نیٚچُو۔ فضل آبادٕکۍ روزَن وٲلۍ۔ پُلسہٕ ترجمانَن ووٚن زِ تلٲشی دوران آو یِہنٛدِس قبضَس منٛز 4.71 گرام ہیروئِن ہیوٗ مادٕ برآمد کرنہٕ، ییٚمہِ پتہٕ دۄشوَے موقعہٕ پٮ۪ٹھے گِرِفتار کٔرِتھ۔ تٔمۍ ووٚن زِ اَتھ سلسلَس منٛز آو این ڈی پی ایس ایکٹ کٮ۪ن مُتعلقہٕ دفعاتن تحت ایف آئی آر نمبر 80/2025 تحت پوٗنٛچھ پُلسہٕ تھانس منٛز اکھ مقدمہ درٕج کرنہٕ تہٕ مٔزیٖد تفتیش آیہِ شُروٗع کرنہٕ۔ تٔمۍ ووٚن زِ پُلیٖس چُھ ضِلعہٕ منٛزٕ منشیاتُک ناسور ختم کرنہٕ خٲطرٕ پرعزم ۔