یِنہٕ والٮ۪ن ترٛٮ۪ن دۄہَن تام چھُ کٔشیٖرِ منٛز خۄشٕک موسمُک اِمکان۔
محکمہ موسمیات چہِ پیشن گویی مُطٲبِق چھُ وادی کٔشیٖرِ ہُنٛد موسم یِنہٕ والٮ۪ن ترٛٮ۪ن دۄہَن تام عام طور خۄشٕک روزنُک اِمکان۔ مُتعلقہٕ محکمٕکۍ ترجمانَن ووٚن زِ توقع چھِ زِ 4 فروری پٮ۪ٹھٕ 6 فروری شامَس تام روزِ وادی منٛز موسم عام طور خۄشٕک۔ تٔمۍ ووٚن ووٚن زِ اَمہِ پتہٕ آسہِ 7 فروری موسم عام طور اوٚبُر تہٕ کینژن پہٲڑی علاقن منٛز ہلکہٕ شیٖن پیٚیہِ۔
تٔمۍ ووٚن زِ توقع چھِ زِ 8 فروری روزِ موسم عام طور خۄشٕک۔
ترجمانَن ووٚن زِ 9 تہٕ 10 فروری ہیکہِ وادی کٮ۪ن کینٛہَن علاقَن منٛز ہلکہٕ شیٖن یا روٗد پیٚتھ۔
تٔمۍ ووٚن زِ امہِ پتہٕ چھُ 11 تہٕ 12 فروری موسم عام طور خۄشٕک روزنُک امکان۔
پننِس ایڈوائزری منٛز چُھ محکمَن ٹرانسپورٹرن تہٕ مسافرَن زور دِیُتمُت زِ تِم کرَن سڑکَن تہٕ شاہراہَن ہٕنٛز تازٕ ترین حالتہٕ باپتھ مُتعلقہٕ ٹریفک یونٹَن سۭتۍ رٲبطہٕ تہٕ انتظامیہ کِس مشورَس پٮ۪ٹھ عمل کرن۔