ریاستی حیثیت بحال کرنہٕ خٲطرٕ نیشنل کانفرنسُک اسمبلی نٮ۪برٕ کٔنۍ احتجاج
حُکُمران جمٲژ نیشنَل کانفرنسَن کٔر بوموارِ دۄہ جموں و کشمیر قونوٗن ساز اسمبلی نٮ۪برٕ کٔنۍ ریاستی حیثیت بحال کرنٕچ منٛگ کٔرِتھ احتِجاج۔
احتجاج کرن وٲلۍ قانون ساز ٲسۍ پننین اتھن منٛز بینر رٹتھ تہٕ بَڑِ نعرہ لگاوان۔
اَمہِ موقعَس پٮ۪ٹھ ووٚن سینئر نیشنل کانفرنسٕکۍ ترجمان تہٕ ایم ایل اے تنویر صادقَن میڈیاہَس زِ: ‘مےٚ چھُ باسان زِ جموں و کشمیرُک بطور ریاستُک درجہٕ بحال کرنُک وقت چھُ آمُت، تہٕ اَتھ سۭتۍ گژھِ اسہِ نِش نِنہٕ آمُت خصوصی درجہٕ تہِ بحال کرنہٕ یُن’۔
تٔمۍ ووٚن: ‘باقین رِیاستَن منٛز کٔشیٖرِ ہراساں کرُن چھُ وۄنۍ اکھ نوٚو رجحان بَنیومُت۔ میانہِ خیالہٕ چھُ یہِ مُلکٕکۍ ؤزیٖر اعظم تہٕ ؤزیٖرِ داخلہ مُداخلت کرنُک وق یُتھ کٔشیٖرِ پٮ۪ٹھ حملہٕ یِن رُکاونہٕ۔’
تٔمۍ ووٚن بیٚیہِ زِ أسۍ چھِ جموں الگ تہٕ کٔشیٖر الگ کَتھ باتھَس خلاف۔ جموں و کشمیر چھُ اَکھ تہٕ نیشنل کانفرنس چھِ اَتھ سٍتۍ کھڑا ۔’