15 فرؤریس تام چھُنہٕ کٔشیٖرِ منٛز موسمَس منٛز کانٛہہ تہِ بٔڈ تبدیلی متوقع

محکمہٕ موسمیات ہٕنٛز پیشن گویی مُطٲبِق چھِ وادی کشمیرَس منٛز موسمَس منٛز وارٕ وارٕ بہتری یِوان تہٕ 15 فروری تام چھُنہٕ وادی منٛز موسمَس منٛز کانٛہہ بٔڑ تبدیلی ہُنٛد امکان۔
مُتعلقہٕ محکمٕکۍ ترجمانَن ووٚن زِ وادی ہُنٛد موسم روزِ عام طور 4 پٮ۪ٹھٕ 6 فروری شامَس تام خۄشٕک۔ تاہم اتھ عرصس دوران ہیکہِ 6 فروری شامَس کینژن پہٲڑی علاقن منٛز ہلکہٕ شیٖن پیٚتھ۔
تٔمۍ ووٚن زِ 7 تہٕ 8 فروری شامَس تام روزِ موسم عام طور خۄشٕک۔
تٔمۍ ووٚن زِ پتہٕ 9 تہٕ 10 فروری چھِ واریاہن جاین ہلکہٕ شیٖن پیٚوان یا روٗد ممکن۔
ترجمانَن ووٚن زِ وادی ہُنٛد موسم روزِ 11 فروری عام طور خۄشٕک۔ تاہم، اتھ عرصس دوران ہیکو نہٕ کینژن پہٲڑی علاقن منٛز ہلکہٕ شیٖن پیٚنُک امکان نِش انکار کٔرِتھ۔
تٔمۍ ووٚن زِ موسم روزِ عام طور 12 پٮ۪ٹھٕ 15 فروری تام خۄشٕک۔