صحافی عبدالرشید شاہ گُزریو واریاہس کالس بٮ۪مارِروزنہٕ پتہٕ۔

وادی کشمیرُک اکھ تجرُبہٕ کار صحافی عبدالرشید شاہ گُزریو واریاہس کالس بٮ۪مارِ پتہٕ بَٹہٕ وارِ دۄہ صُبحٲے ۔ سُہ اوس 77 وُہُر۔
خاندٲنی ذرایعو مُطٲبِق اوس سُہ شِشہٕ نارِ چہِ خرٲبی کِنہِ واریاہَس کالَس بسترَس پٮ۪ٹھ لٔگِتھ تہٕ ٲخٕر کار تُلُن بَٹہٕ وارِ دۄہ صُبحٲے سرینگرَس منٛز پننہِ رِہٲیشہِ جایہِ پٮ۪ٹھ۔
1948 ہس منٛز سرینگر کِس چنکرال محلہ ہابا کدلَس منٛز زامُت، عبدالرشید شاہ روٗد واریاہَن ؤرین تام وادی ہٕنٛدِس صحافتی منظرنامَس منٛز اکھ نُمایا شخصیت، یتھ دوران تٔمۍ صحافت کِس مٲدانس منٛز واریاہ اہم کردار ادا کوٚر۔
1992 تھس منٛز ریاستی محکمہٕ اطلاعات نشہِ استعفیٰ دِنہٕ پتہٕ ترٲو تٔمۍ روزنامہٕ نوا مشرقٕچ بُنیاد، یٔمۍ سری نگر پٮ۪ٹھٕ شایع گژھن والٮ۪ن اخبارن منٛز جلدٕی اکھ اہم مقام حٲصِل کوٚر۔
سُہ اوس خاص طور پنٛنہِ قلمہٕ سۭتۍ لیکھنہٕ آمٕتۍ فکر انگیز اداریہٕ خٲطرٕ مشہوٗر، تہٕ وادی ہٕنٛدیٚن صحافتی حلقن منٛز اوس تٔمِس واریاہ عزت کرنہٕ یوان۔
امہِ برٛونٛہہ اوس أمۍ روزنامہٕ الصفا ہَس منٛز پارٹ ٹائم ایڈیٹر سٕنٛدِ حثیتہٕ تہِ کٲم کٔرمٕژ۔