عمر عبداللہ ہَن کٔر ایرانَس پیٹھ جارحیت ہٕنٛز مذمت، وزیر اعظمَن کٔر جنگ رُکاونَس منٛز کردار ادا کرنٕچ اپیل

عمر عبداللہ ہَن کٔر جنگٕچ مَذمَت یہِ ؤنِتھ زِ اَمیُک اثر چھُ طٲلبہِ عٔلِمَن ہِنٛدِ واپس یِنہٕ پٮ۪ٹھٕ تیٖلٕچ کٔمی تام کٔشیٖرِ تام ووتمُت۔ جموں و کشمیرٕکۍ وزیر اعلیٰ عمر عبداللہَن کٔر ایرانَس خٕلاف جٲری جارحیت ہٕنٛز سخٕت مذمت تہٕ ؤزیٖر اعظم نریندر مودی یَس اپیل زِ سُہ کٔرِن پنٕنۍ رٲبطہٕ یہِ جنگ رُکاونٕچ کوٗشش کرنہٕ باپتھ استعمال۔ سٲبِقہٕ ؤزیٖر اعظم اٹل بہاری واجپایی ہُنٛد ذِکِر کٔرِتھ دِیُت عمر عبداللہ ہَن امریکہ تہٕ اسرٲیلَس سۭتۍ پنٕنۍ بہتر تعلُقاتن ہُنٛد ذِکر تہٕ دِیُتُن ؤزیٖر اعظمَس زور زِ سُہ کٔرِن یِمَن دۄن مُلکَن سۭتۍ پنٕنۍ تعلُقات ایرانَس خٕلاف جٲری جنگ رُکاونَس منٛز پنُن کِردار ادا کرنہٕ خٲطرٕ۔ وزیر اعلیٰ عمر عبداللہ ہَن ووٚن جُمعہ دۄہ جموں و کشمیر اسمبلی منٛز پننِس تقریرَس دوران زِ سُہ چھُ ؤزیٖر اعظم سٕنٛدِ امریکہ تہٕ اِسرٲیلَس سۭتۍ اصل تعلُقاتن نِش باخَبر۔ ایرانس سۭتۍ تعلُقاتن مُتلِق ووٚن تٔمۍ زِ سُہ چھُ پانہٕ اکھ گواہ زِ سٲبقہٕ ؤزیٖر اعظم اٹل بہاری واجپای سٕنٛدِس دورَس منٛز ٲسۍ اصٕل تعلُقات ییٚلہِ سُہ وزیر مملکت خارجہ اوس۔