امیت شاہن کوٚر متفقہ طور سرکٲرۍ زبانہِ پٮ۪ٹھ پارلیمانی کمیٹی ہُنٛد چیئرپرسن دُبارٕ مُنتخب

مرکزی وزیر داخلہ امیت شاہ آو متفقہ طور پٲٹھۍ سرکٲرۍ زبانن پٮ۪ٹھ پارلیمانی کمیٹی ہُنٛد چیئرپرسن مُنتخب کرنہٕ۔ وزارت داخلہَن ووٚن زِ نٔو حکومت بننہٕ پتہٕ آو ییٚتہِ سرکٲرِ زبانہِ پٮ۪ٹھ پارلیمانی کمیٹی دُبارٕ تشکیل دِنہٕ خٲطرٕ اکہِ میٹنگُک انتظام کرنہٕ۔ اجلاسَس منٛز آو مرکزی وزیر داخلہ سرکٲری زبانَن پٮ۪ٹھ پارلیمانی کمیٹی ہُنٛد چیئرپرسن مُنتخب کرنہٕ۔ مسٹر شاہ اوس 2019 پٮ۪ٹھ 2024 ہَس تام کمیٹی ہُنٛد چیئرپرسن تہِ۔ وزیرِ داخلہَن کوٚر متفقہٕ طور دُبارٕ چیئرپرسن منتخب گژھنہٕ خٲطرٕ پارلیمنٹری آفیشل لینگویج کمیٹی کٮ۪ن تمام رُکنن ہُنٛد شُکُر۔ پننِس خطبس منٛز ووٚن مرکزی وزیرِ داخلہ زِ پٔتمہِ 75 ؤرۍ یَو پٮ۪ٹھٕ چھِ أسۍ سرکٲرۍ زبانہِ فروغ دِنہٕ خٲطرٕ کٲم کران، مگر پٔتِمٮ۪ن 10 ؤرۍ یَن منٛز چھِ امہِ کِس طریقہٕ کارَس منٛز معموٗلی تبدیلی آمٕژ۔