نقلی مِشوٗ کوپن تہٕ کیوٗ آر کوڈ سٕکیمَو نِش روٗزِو ہوشیار : سایبر پُلیٖس کشمیر

سائبر پولیس کشمیرَن چھُ لوٗکَن نقلی مِشو کوپن تہٕ کیوٗ آر کوڈ سکیمَن نِش ہوشیار روزنُک زور دِیُتمُت۔ تٔمۍ ووٚن زِ سائبر مُجرِم چھِ میشو کہِ طرفہٕ پیشکشَن ہُنٛد رخت لٲگِتھ نقلی کوپن سوزِتھ تہٕ تِمَن کارَن ہِوۍ درٛوٚگہِ انعامَن ہُنٛد وعدٕ کٔرِتھ لوٗکَن نشانہٕ بناوان۔
سائبر پولیسَن ووٚن ایکس یَس پٮ۪ٹھ أکِس پوسٹَس منٛز زِ "مُتٲثِریٖنَن چھُ وننہٕ یِوان زِ تِم کرَن اکھ ورچوئل کوپن یُس قیاس کرنہٕ آمُت انعام ہاوان چھُ تہٕ پتہٕ چھُ انعام حٲصِل کرنہٕ باپتھ کیوٗ آر کوڈ سکین کران”۔ تٔمۍ ووٚن زِ "کیوٗ آر کوڈ سکین کرنہٕ سۭتۍ چھِ یِمَن دوکھہٕ دِنہٕ والٮ۪ن لوٗکَن ہٕنٛز ذٲتی زانٛکٲری تہٕ فونَس پٮ۪ٹھ محفوظ دستاویزَن تام رسٲیی میلان”۔ تِمَن ہُنٛد ونُن چھُ زِ یِم دوکھہٕ دِنہٕ وٲلۍ چھِ لوٗکَن جعلی آن لائن سرمایہِ کٲری سکیمَو سۭتۍ لالچ دِوان تہٕ ژوٗرِ نیمٕتہِ ڈیٹاہُک فٲیدٕ تُلِتھ۔