جٔنوٗبی کٔشیٖرِ ہِنٛدِس اونتی پورس منٛز گٔیہِ شےٚ ملی ٹنٹ سٲتھی گِرِفتار، بٔڑِس تعدادس منٛز ہتھیار تہٕ گولہٕ باروٗد برآمد: پُلیٖس

جموں و کشمیر پولیسَن چھِ جنوٗبی کشمیر کِس اونتی پورہَس منٛز شےٚ دہشت گرد سٲتھی گرفتار کٔرمٕتۍ تہٕ یِمَو نِش چھُ بٔڑِس تعدادَس منٛز ہتھیار تہٕ گولہٕ باروٗد برآمد کرنُک دعویٰ کوٚرمُت۔ پولیسٕکۍ ترجمانَن ووٚن اَکہِ بیانَس منٛز زِ اونتی پورہ پولیسَس مِلیوٚو اکھ قٲبلِ اعتماد اطلاع زِ جیش محمدَس سۭتۍ وابستہٕ پاکستانُک اکھ کٲشِرۍ دہشت گرد چھُ نوجوانَن دہشت گردَن ہٕنٛدِس صفَس منٛز شٲمِل کرنُک منصوبہٕ بناوان تہٕ یِتھٮ۪ن نوجوانَن ہُنٛد پتہ لگاونہٕ پتہٕ چھِ یِمَن منٛز ہتھیار تہٕ گولہ بارود بٲگراونہٕ یِوان تاکہِ تِم ہٮ۪کَن دہشت گردی ہٕنٛز کاروٲیی کٔرِتھ”۔ تٔمۍ ووٚن زِ معلوٗماتَس پٮ۪ٹھ کٲم کٔرِتھ آو پُلیٖس تھانہ ترالَس منٛز مُتعلقہٕ دفعاتَن تحت اکھ کیس درٕج کرنہٕ۔