کنگن گاندربلس منٛز تیٖل ٹینکر حٲدثہٕ سۭتۍ 3 نفر شٔدیٖد زخمی۔

وسطی کشمیر کِس گاندربل ضلعس منٛز کنگن کِس مممار علاقس منٛز بۄموارِ دۄہ صُبحٲے گٔیہِ أکِس سڑک حٲدثس منٛز کم از کم ترٛےٚ نفر شدید زخمی۔

أکۍ عہدیدارَن ووٚن زِ حٲدثہٕ گوٚو تَمہِ وِزِ ییٚلہِ ممر علاقَس نزدیٖک اکھ آئل ٹینکر أکِس گاڑِ سۭتۍ ٹکراونہٕ آو، ییٚمہِ کِس نٔتیٖجس منٛز ترٛےٚ نفر شدید زخمی گٔیہِ۔

تٔمۍ ووٚن زِ زخمیَن آیہِ ایس ڈی ایچ کنگن نِنہٕ ییٚتہِ پٮ۪ٹھٕ تِم اعلیٰ علاجہٕ باپتھ ایس کے آٮٔی ایم ایس سورا ریفر کرنہٕ آیہِ۔

پولیسَن چھُ واقعُک نوٹس نِمُت تہٕ اکھ کیس چھُ درٕج کرنہٕ آمُت-