*چینی ساختہ پستول، بارہ مولہ ہس منز برآمد*
پُلسن کٔر بوموارِ دۄہ بارامولا ضِلعَس منٛز تلاشی ہٕنٛزِ کارروٲیِیَس دوران چینی ساختہٕ پِستول، زٕ میگزین تہٕ 13 راؤنڈ گولہٕ بوروٗد برآمد ۔أکۍ اہلکارَن ووٚن زِ 7 جوٗن دۄہ أکِس موبائل گاڑِ ہٕنٛدِس چوکی پٮ۪ٹھ غٲر مُلکی ساختہ پستول ضبط کرنہٕ پتہٕ درٕج کرنہٕ آمٕتۍ ہتھیارن ہٕنٛدِس معاملٕچ تفتیش دوران آیہِ برآمد کرنہٕ۔تٔمۍ ووٚن زِ بارامولا پُلیٖس تہٕ 52 راشٹریہ رایفٕلَن ہِنٛدِ مُشترکہٕ ٹیٖمَن رُکٲوۍ کنیپورا علاقہٕ کِس چندسوماہَس منٛز اکھ ماروتی بریزا۔ تلٲشی دوران آو تُرکی ہُنٛد بناونہٕ آمُت کینِک ٹی پی 9 ایس ایف ایم ای ٹی ای پِستول أکِس سٲتھی مُسافِرَس نِش برآمد کرنہٕ، ییٚمِچ شناخت کمال کوٹ، اُڑی کِس وکیل احمد تھیکری ناوٕ سۭتۍ کرنہٕ آمٕژ چھِ۔أمہِ سٕنٛزِ گِرِفتٲری پتہٕ آو آرمز ایٚکٹَس تحت مقدمہٕ درٕج کرنہٕ تہٕ تٔحقیٖقات آیہِ شُروٗع کرنہٕ۔