اسمبلی منٛز منظور کرنہٕ آمٕژ قرارداد چھِ مُتعلقہٕ حُکامن سوزنہٕ آمٕژ: سپیکر عبدالرحیم راتھر

جموں و کشمیر اسمبلی سپیکر عبدالرحیم راتھرَن ووٚن زِ اسمبلی منٛز منظور کرنہٕ آمٕژ خصوصی حیثیتٕچ قرارداد چھِ متعلقہٕ حکامَن سوزنہٕ آمٕژ۔

سرینگرَس منٛز صحافیَن سۭتۍ کَتھ باتھ کران اسمبلی سپیکر عبدالرحیم راتھرَن ووٚن زِ خصوصی درجہٕ بحال کرنَس مُتعلِق حالٕے اجلاسَس دوران منظور کرنہٕ آمٕژ قرارداد چھِ مُتعلقہٕ حکامَن سوزنہٕ آمٕژ۔

نٔو حکومت بننہٕ پتہٕ عسکریت پسندی ہٕنٛدٮ۪ن واقعاتن منٛز بےٚ مثال اضافہٕ کِس بارس منٛز أکِس سوالُک جواب دِوان ووٚن راتھرَن زِ امن و امان تہٕ سلامتی چھِ مرکزی وزارت داخلہ سنٛبھالان۔