علمائے کرام تہِ ہیٚکن چُناون منٛزحصہٕ نِتھ۔: مولانا عبدالرشید داؤدی

مشہوٗر مذہبی عالم مولانا عبدالرشید داؤدی ین چھ ونان زِ علماء تہِ ہیکن انتخابن منٛز حصہٕ نِتھ تہٕ اگر اختیار دِنہٕ ییہِ تیلہِ ہیکن تم اسلامٕچ خدمت زیادٕ موثر تہٕ بہتر طریقہٕ سۭتۍ کٔرتھ۔ تٔمۍ دِیُت اِشارٕ زِ اِختِیار حٲصِل کرُن ہیکہِ مذہبی خدماتَن ہٕنٛز توسیع تہٕ معاشرَس منٛز مثبت تبدیلی اَننس منٛز تہِ اَہَم کِردار ادا کٔرِتھ۔
مولانا عبدالرشید داؤدی یَن کٔر اَز اننت ناگ کِس کعبہ مُرگ علاقَس مَنٛز یِمن خیالاتن ہُند اظہار، یُس متحدہ اہل سنت والجماعتُک صدر منتخب گژھنہٕ پتہٕ تِہنٛدِس اعزازس منٛز منعقد کرنہٕ آمٕژ تقریبہِ کِس موقعس پیٹھ میڈیا نمایندَن سۭتۍ کتھ باتھ کٔرِتھ۔ قٲبلِ ذِکر چھُ زِ مولانا عبدالرشید داؤدی آو متحدہ اہل سنت والجماعت ہُند صدر منتخب کرنہٕ۔ تٔمۍ سٕنٛدِ انتخابُک جشن مناونہٕ خٲطرٕ کوٚر کعبہ مرگ، اننت ناگٕچ وقف کمیٹی اَکہِ تقریبہِ ہُنٛد اہتمام ۔