جی 20 سمٹَس منٛز شِرکت کرنہٕ خٲطرٕ ووت وزیر اعظم مودی ریو ڈی جنیرو۔

ؤزیٖرِ اعظم نَرینٛدر مودی ووت ژٔنٛدٕروارِ دۄہ صُبحٲے پنٛنِس ترٛیٚن مُلکن ہِنٛدِس دورٕ کِس دوٚیمِس مرحَلس منٛز ریو ڈی جنیرو، برازیٖل۔
"بہٕ ووت جی 20 سمٹَس منٛز شِرکت کرنہٕ خٲطرٕ ریو ڈی جنیرو، برازیل۔ بہٕ چُھس مُختٔلِف عٲلمی رہنُماہن سۭتہِ سمٹ بَحَژ تہٕ فٲیدٕ منٛد بَحَژ ‘‘
تٔمۍ سٕنٛدِ یِنہٕ وِزِ کوٚر مسٹر مودی سُنٛد برازیلس منٛز ہندوستٲنہِ برادٔری ہُنٛد گرمجوشی سان استقبال ۔ "بہٕ چُھس ریو ڈی جنیرو یِنہٕ وِزِ ہِنٛدُستٲنہِ برادٔری ہِنٛدِ طرفہٕ دِنہٕ آمٕژ گرمجوشی تہٕ متحرک استقبالہٕ سۭتہِ سٮ۪ٹھاہ مُتٲثِر گوٚمُت۔ تہنز توانٲئی چِھ سُہٕ محبتٕچ عکاسی کران یوس اسہِ براعظمن منز متحد چُھ کران۔ ‘‘
مسٹر مودی یَس کٔر ہندوستٲنہِ برادری ہٕنٛدٮ۪و رُکنو سنسکرتَس منٛز منتر پرنہٕ سۭتۍ مبارک باد۔
جی 20 سمٹَس منٛز شِرکت کرنہٕ علاوٕ کَرِ مسٹر مودی عالمی رہنُماہن سۭتہِ تہِ کَتھ باتھ۔ امریکی صدر جو بائیڈن تہٕ چینی صدر شی جن پنگ تہِ چھِ کانفرنسَس منٛز شِرکت کران۔