اے آیی بی او سی یَن دِیُت عزت مآب ؤزیٖر اعظمَس بینکنگ صنعتَس منٛز پانٛژن دۄہَن ہٕنٛدِ کامہِ ہُنٛد ہفتہٕ فوری طور نافذ کرنُک زور

آل انڈیا بینک آفیسرز کنفیڈریشن (اے آئی بی او سی) یُس پوٗرٕ مُلکس منٛز بینک افسرَن ہٕنٛز نُمٲینٛدگی کران چھُ سارِوٕے کھۄتہٕ بٔڑ تنظیٖم یُس بینکنگ صنعتَس منٛز پانٛژن دۄہَن ہُنٛد کامہِ ہُنٛد ہفتہٕ فوری طور نافذ کرنہٕ باپتھ تٔمۍ سٕنٛز فوری مُداخلت کرنٕچ منٛگ کٔرمٕژ چھِ۔پننِس چٹھہِ منٛز کوٚر اے آئی بی او سی یَن وزیر اعظم سٕنٛدِ حالیہ کفایت شعاری، ایندھنٕچ تحفظ، سفرَس منٛز کٔمی تہٕ قومی وسٲیلَن ہٕنٛدِ ذِمہٕ دارانہٕ استعمالُک خٲر مقدم۔ کنفیڈریشنَن کوٚر عرض زِ بینکَن منٛز پانٛژن دۄہَن ہُنٛد ورک ویکُک نفاذ آسہِ یِمَن مَقصَدَن ہٕنٛدِ برٛونٛہہ کُن پَکناونہٕ خٲطرٕ اکھ عملی تہٕ قومی سطحَس پٮ۪ٹھ مُتعلقہٕ اِقدام۔اے آیی بی او سی یَن ووٚن زِ بینکنگ خٕدمات چھِنہٕ از کل برانچ کاؤنٹرَن تام محدوٗد۔