پریانکا گاندھی تُل لوک سبھا رُکُنُک حلف۔

کیرالہ ہَس منٛز وایناڈ لوک سبھا ضمنی انتخاباتَس منٛز کامیٲبی حٲصِل کرن واجیٚنۍ کانگریس لیڈر پرینکا گاندھی واڈرا گٔیہِ آز لوک سبھایہ منٛز شٲمِل۔
ییٚلہِ لوک سبھا دۄہٕچ شروعات گٔیہِ، سپیکر اوم برلاہن کوٚر تٔمۍ سُنٛد ناو تہٕ دِتُن تٔمِس عہدُک حلف ۔ پریانکا گاندھی زیوٗن وایناڈ سیٹ ژور لچھ کھۄتہٕ زِیٛادٕ ووٹن ہٕنٛدِ فرق سۭتۍ۔ عام اِنتِخاباتن منٛز زیٛوٗن أمہِ سٕنٛدِس بٲیِس راہول گاندھین اُتر پرٛدیشس منٛز رائے بریلی پارلِمٲنی سیٖٹہِ سۭتہِ یہِ سیٖٹ، مگر پتہٕ دِیُوت اِستِفہٕ تہٕ کٔرٕن پنٕنہِ بیٚنہِ پریانکا گاندھی کھڑا ۔
امہِ برٛونٛہہ وٲژ پریانکا گاندھی پننہِ ماجہِ تہٕ کانگریس پارلیمنٹری پارٹی ہٕنٛز رہنُما سونیا گاندھی تہٕ راہول گاندھی سۭتۍ پارلیمنٹ ہاؤس کمپلیکس۔ پتہٕ گٔیہِ سۄ راہول گاندھی سۭتۍ لوک سبھا ییٚتہِ تٔمِس ایوان چہِ رکنیت ہُنٛد حلف دِنہٕ آو۔