شری امرناتھ یاترا: بٔڑِس تعدادس منٛز چھِ زائرین بھگت نگر بیس کیمپس پٮ۪ٹھ واتٕنۍ شروع گٔمٕتۍ۔

جموں و کشمیرُک لیفٹیننٹ گورنر منوج سنہا سوزِ پگاہ بھگت نگر بیس کیمپ پٮ۪ٹھٕ شری امرناتھ جی یاترا ہُنٛد گۄڈنیُک قافلہ کٔشیٖر۔ ییٚمہِ ؤرۍ یہِ ہٕنٛز شری امرناتھ جی یاترا، یۄسہٕ 38 دۄہَن پٮ۪ٹھ محیط چھےٚ، یِیہِ 3 جولائی شُروٗع تہٕ 9 اگست سپدِ رکشا بندھن سۭتۍ مُکمل۔ مُلکہٕ کٮ۪و مُختٔلِف حِصو پٮ۪ٹھٕ چھِ بٔڑِس تعدادَس منٛز زائرین بھگت نگر بیس کیمپَس منٛز اتھ مُقدس سفرَس منٛز شِرکت کرنہٕ باپتھ جمع گژھان۔ أکۍ زائرین کوٚر تبصرٕ: ‘یہِ چھُ میون ژوٗرِم زیارت۔ سٲنِس اِبتِدٲیی جمٲژ منٛز ٲسہِ 4 زائرین مگر وۄنۍ چھُ یہِ پنٛژاہ تام بڈیمُت۔’ تٔمۍ ووٚن: ‘کانٛہہ خوف چُھنہٕ۔ اسہِ کوٚر پہلگام واقعہٕ پتہٕ رجسٹریشن منسوخ کرنُک سونٛچ، مگر حکوٗمتَن کٔر صورتحال بہتر، تہٕ جموں و کشمیرٕک لوٗکو دِژ اسہِ بار بار یاترا کرنہٕ خٲطرٕ دعوت۔ دِلہِ ہِنٛدِس أکِس زِیارَن کوٚر ذِکِر: ‘خوفٕچ چھَنہٕ کانٛہہ تہِ۔ باباہن چُھ نہٕ اسہِ کانٛہہ ہچکچاہٹ تہٕ حکوٗمتَن چھِ بہتٔریٖن اِنتِظام کٔرمٕتۍ۔ سرکٲرِ ذرایعو مُطٲبِق کَرِ لیفٹیننٹ گورنر منوج سنہا 2 جولائی اجتماعَس خطاب ۔