جموں  کشمیر  ہرٕدۍ اجلاس ازکہِ پٮ۪ٹھہٕ شُروع ، ایجنڈَس منٛز جے جے ایم گھوٹالَن ہُنٛد تحقیقاتی رِپوٹ شٲمِل۔

جموں و کشمیر اسمبلی ہُنٛد ہردُک اجلاس سپُد از کہِ پٮ۪ٹھہٕ شُروع یَتھ منٛز کُل سَتھ نشستہٕ آسن۔ اَتھ اجلاسَس دوران کَرِ ہاؤس کمیٹی جل جیون مِشنَس منٛز مبینہٕ گھوٹالَن مُتعلِق اسمبلی منٛز اکھ رپورٹ پیش، ییٚلہِ زَن اکھ کابینی وزیر جموں و کشمیر کوآپریٹو سوسائٹیز ایکٹ، 1989 منٛز ترمیم کرنہٕ خٲطرٕ اکھ بل پیش کرِ۔

یہِ دہن دۄہَن ہٕنٛدس اِجلاس سپُد شیخ مصطفیٰ کمال، دھرم پال، تہٕ غلام حسن خانس تہٕ باقین قانون سازن تہٕ وزیرن خراج تحسین پیش کرنہٕ  پتہٕ شروع۔

اَمہِ پتہٕ آسہِ سوالن ہُنٛد گھنٹہٕ تہٕ یِیہِ باقٲعدٕ کاروٲیی شُروع کرنہٕ۔ حکمراں پارٹی ہٕنٛدۍ قانون ساز تہٕ ایم ایل اے پامپور، جسٹس (ریٹائرڈ) حسنین مسعودی کرِ اسمبلی منٛز ہاؤس کمیٹی ہٕنٛدِ رپوٹُک اکھ نقل پیش۔ یہِ کٔمیٖٹی آیہِ مركزی زیر انتظام علاقہٕ جموں و کشمیرَس منٛز جل جیون مِشن کِس نفاذَس منٛز مبینہٕ بےٚ ضابطگی ہٕنٛز تفتیش باپتھ قٲیِم کرنہٕ۔

یہِ کمیٹی آیہِ پٔتمہِ ؤرۍ یہِ اپریلَس منٛز بناونہٕ ییٚلہِ واریاہو قونوٗن سازو جے جے ایمَس منٛز گھوٹالَن تہٕ بے قاعدگی ہٕنٛدۍ الزام لگٲوۍ۔