رُشوَت خوری معاملہٕ: سی بی آییَن کٔر ۍمحکمہٕ زراعتُک اَفسَر ہٮ۪تھ 3نَفر گِرِفتار۔
سنٹرل بیورو آف انویسٹی گیشنَن کٔر جموں و کشمیرَس منٛز رُشوَت خوری خٕلاف اکھ بٔڑ کارروٲیِی، یَتھ منٛز رُشوَت خوری ہٕنٛدِس الزامَس منٛز ترٛےٚ نفر گِرِفتار کرنہٕ آےیِمَن منٛز اکھ سب ڈویژنل ایگریکلچر آفیسر، اکھ ایگریکلچرل ایکسٹینشن اسسٹنٹ، تہٕ محکمہ زراعتُک بیٛاکھ شخٕص شٲمِل چُھ۔
ذرایعو مُطٲبِق کٔر سی بی آییَن یہِ کاروٲیی اکھ رسمی شِکایت موصول گژھنہٕ پتہٕ تہٕ کوٚرُکھ 19 ستمبر 2026اکھ مقدمہٕ درٕج۔ الزام چھُ یہِ زِ سب ڈویژنل ایگریکلچر آفیسرَن مٔنٛگۍ شکایت کرن وٲلِس ن 35,000 رۄپیہِ رُشوَت ہولسٹک ایگریکلچر ڈیولپمنٹ پروگرامَس تحت سبسڈی جٲری کرنہٕ بدلہٕ۔ افسرَن دِیُت مبینہ طور شکایت کرن وٲلِس یہِ رقم زرعی ایکسٹینشن اسسٹنٹ یا أکِس نامزد ذٲتی شخصَس حوالہٕ کرنُک ہدایت ۔
شِکایَت رٔٹنہٕ پتہٕ کوٚر سی بی آئی ٹیٖمَن فوراً اکھ جال قٲیِم۔ کاروٲیی دوران رٔٹۍ سی بی آییَن اے ای اے تہٕ نجی شخٕص رُشوَت کِس حِصہٕ پٲٹھۍ تہٕ شِکایت کَرن وٲلِس نِش کٔرِکھ 15,000 رۄپین ہٕنٛز گۄڈٕنِیُک قسط وصول۔ تِہنٛزِ گِرِفتٲری پتہٕ تھٲو سی بی آییَن پنٕنۍ کاروٲیی جٲری یتھ منٛز اکھ سب ڈویژنل ایگریکلچر آفیسر، اکھ ایگریکلچرل ایکسٹینشن اسسٹنٹ، تہٕ محکمہ زراعتُک بیٛاکھ شخٕص تہِ گرفتار کرنہٕ آے۔