پی ڈی پی تہٕ بی جے پی چھِ اَکی سِکٕکۍ زٕ طرف۔ خفیہ سیٲسی تفہیم چھِ وُنہِ تہِ برقرار: عمرعبداللہ

جموں و کشمیرٕکۍ وزیر اعلیٰ عمر عبداللہ ہَن کٔر جُمعہ دۄہ پیپلز ڈیموکریٹک پارٹی (پی ڈی پی) پٮ۪ٹھ سخت تنقید یہِ ؤنِتھ زِ پی ڈی پی چھنہٕ عوامس دھوکھہٕ دِنہٕ بغٲر کینٛہہ تہِ کران۔ تٔمۍ لگوو اِلزام زِ پی ڈی پی رہنُماہو چھِ بی جے پی یَس سۭتۍ خفیہ سیٲسی سمجھوتہٕ قٲیِم کوٚرمُت تہٕ یِم دۄشوے جماعتہٕ چھےٚ وُنہِ تہِ اکھ أکِس سۭتۍ اِتحاد تھٲوِتھ۔
بڈگامَس منٛز أکِس عوٲمی اجتماعَس خٕطاب کرون ووٚن عمر عبداللہ ہَن زِ پی ڈی پی یَن کٔرۍ لوٗکَن سۭتۍ اپُز وعدٕ مگر اقتدارس منٛز یِنہٕ پتہٕ کٔر تِمو نہ صرف وعدٕ خلٲفی بلکہِ تِمو کٔرۍ لوٗکَن ہٕنٛدِ بُنیٲدی مسلہٕ تہِ نظر انداز۔ تٔمۍ ووٚن زِ بی جے پی یَس سۭتۍ تِہُنٛد اتحاد چھُ از تہِ موجود، صرف چھُ ناو بدلیومُت۔ ییٚلہِ اقتدارس منٛز یوان چھِ، پی ڈی پیس چھِ پنٕنۍ اصوٗل مٔشِھ گژھان۔