عید الفطرٕچ تیٲری چھےٚ جٲری۔ روٗدٕ آسنہٕ باوجوٗد تہِ چھِ بازرن منٛز ۔

عید الفطر برٛونٛہہ اوس وادی منٛز روٗد پیٚوان، تہٕ کینٛہَن تھزرٮ۪ن علاقَن منٛز روٗد تہِ روٗد پٮ۪وان، توتہِ ٲسۍ لوٗکھ عید خریدٲری منٛز آوُر وٕچھنہٕ آمٕتۍ۔ اگرچہ افراط زر تہٕ ایرانس منٛز جنگہٕ کہ وجہ سٔتۍ، بازرن منٛز ہجوم اوس پتمین ورین ہنٛدس مقابلس منٛز نمایاں طور پٲنٹھ کم، توتہٕ لوکھ آیہٕ بٔڑس تعدادس منٛز سامان ہینہٕ خٲطرٕ نیبر۔ زیادٕ تر بازرَن منٛز روٗد پیٚنہٕ باوجوٗد روٗد روزان عید چہِ تیٲری ہُنٛد جوش زیادٕ، ییٚلہِ زن مُختٔلِف بازرَن منٛز ٲسۍ خریدارن ہُنٛد کٲفی ہجوم وُچھنہٕ آمُت۔ دوٚیمہِ طرفہٕ اوس کینژن بازرَن منٛز، خاص کٔرِتھ سرینگرَس منٛز ہجوُم رٮ۪وٲیتی رشَن ہٕنٛدِس مُقابلَس منٛز واریاہ کم۔ أتھۍ دوران اوس قصبہٕ بازرَن منٛز بٔڑِس تعدادَس منٛز خٔریٖدٲری کرنہٕ باپتھ یِنہٕ کِنہِ پوٗرٕ دۄہَس ہلچل ہُنٛد ماحول۔