جموں و کشمیرَس منٛز 22 اگستس تام وُزملہٕ گگرایو سان روٗدپٮ۪نُک ، پَسہٕ ؤسنٕچ پیشگویی تہٕ قومی شاہراہَس پٮ۪ٹھ ٹریفک  متٲثر روزنُک امکان۔ 

محکمہٕ موسمیاتن (اِنٛڈیا محکمہٕ موسمیات آی ایم ڈی) چھُ یِنہٕ والٮ۪ن کینٛژھن دۄہَن منٛز جموں و کشمیرَس منٛز بٔڑِس پیمانَس پٮ۪ٹھ وُزملہٕ گگرایو سان معموٗلی روٗد تہٕ ترٛٹھ یِنٕچ پیشن گویی کٔرمٕژ، ییٚلہِ زَن جموں خطہٕ کٮ۪ن حساس علاقَن منٛز پَسہٕ ؤسِن، میٚژِ ؤسِن، کَنہِ پیٚنہٕ تہٕ اچانک سٔہلاب کہِ خطرٕ باپتھ چھِ وارننگ جٲری چھےٚ کرنہٕ آمٕژ۔ سرینگرَس منٛز محکمہٕ موسمیات مُطٲبِق چھُ یِنہٕ والٮ۪ن دۄہَن منٛز مرکزی زیر انتظام علاقَس منٛز روٗد جٲری روزنُک اِمکان، یَتھ منٛز 22 اگستَس تام بٔڑِس پیمانَس پٮ۪ٹھ روٗدٕچ پیشنگویی چھےٚ۔ اَمہِ پتہٕ چھُ موسم وارٕ وارٕ بہتر گژھنُک امکان ۔