کٔشیٖرِ ہٕنٛدٮ۪ن ہیٚرمٮ۪ن علاقَن منٛز پیوٚو تازٕ شیٖن، مٲدٲنی علاقَن منٛز روٗد وادی کٔشیٖرِ منٛز بدلوٕنِس موسمَس کِنہِ چھُ درجہٕ حرارتَس منٛز تہِ سیٹھاہ کٔمی آمٕژ۔

وادی کٔشیٖرِ ہُنٛد مشہوٗر سیاحتی مقام سونمرگ سان چھُ واریاہَن ہیٚرمٮ۪ن علاقن منٛز تازٕ شیٖن پیٚنہٕ آمُت، ییٚلہِ زَن مٲدٲنی علاقَن منٛز سیٚٹھاہ روٗدَو سۭتۍ چھُ زِنٛدگی ہُنٛد معموٗل طٔریٖقہٕ مُتٲثِر گوٚمُت۔ وسطی کشمیر کِس گندر بل ضِلعس منٛز واقعہٕ اکھ مشہوٗر سیاحتی مقام سونمارگس منٛز تہِ چھُ تازٕ شیٖن پٮ۪ومُت۔ حُکامَو مُطٲبِق چھُ راتھ پیٹھٕ سونمارگَس منٛز تقریباً پانٛژھ پیٹھٕ شےٚ انچ تازٕ شیٖن جمع گوٚمُت۔ باقٕے ہیٚرمِین علاقن منٛز تہِ آو شیٖن پیٚوان ییٚلہِ زن وادی ہٕنٛدٮ۪ن زِیٛادٕ تر حِصَن خاص پٲٹھۍ نشیبی علاقن تہٕ میدانی علاقن منٛز چھُ آتھوارٕ پیٹھٕ شیٖن پیٚوان جٲری۔ ہیٚرمِین عَلاقَن منٛز شیٖن پیٚنہٕ تہٕ مٲدٲنی علاقَن منٛز روٗد پینہٕ کِنہِ چھُ درجہٕ حرارتَس منٛز سیٹھاہ کٔمی آمٕژ۔ دریں اثنا، محکمہ موسمیات مُطٲبِق چھُ موسم 20 مارٕچ تام غیر مستحکم روزنُک امکان، تہٕ جُمعہ تام چھُ زیادٕ تر علاقن منٛز ہلکہٕ پیٹھہٕ درمیٲنی روٗد یا شیٖن پیٚنُک امکان۔