*حزب اختلافس پزِ مشترکہٕ ردعملُک فیصلہٕ کرُن: سی ایم عمر سنز تجویز شدٕ حد بندی بلس پیٹھ*

جموں و کشمیرٕکۍ وزیر اعلیٰ عمر عبداللہ ہَن ووٚن بۄدوارِ دۄہ زِ ہندوستان بلاکَس پَزِ تجویٖزٕ شُدٕ پارلِمٲنی بلہِ پٮ۪ٹھ پنُن ردعملُک اجتمٲعی طور فٲصلہٕ کرُن، تہٕ زور دِتھ زِ اکھ متحد موقف چھُ ضروری۔کشمیر نیوز آبزرور (کے این او) مُطٲبِق کٔر وزیر اعلیٰ سرینگرَس منٛز نامہ نگارن سۭتۍ کتھ باتھ کٔرِتھ پٔتِمٮ۪ن حدَن ہٕنٛزِ مشقَن پیٹھ خدشات ظٲہر کٔرِتھ الزام لگٲوِتھ زِ حلقن ہٕنٛز تنظیم نو سۭتۍ چھُ سیٲسی طور بی جے پی تہٕ تٔمۍ سٕنٛدٮ۪ن اتحادین طرفداری کٔرمٕژ۔تٔمۍ ووٚن زِ سُہ کَرِ دِلہِ منٛز کانگریس صدر مٔلِکارجُن کھرگے سٕنٛزِ رِہٲیشہِ منٛز منعقد گژھَن واجنہِ اِنڈیا بلاک کِس اجلاسَس منٛز شِرکت، ییٚتہِ حزب اِختِلافَن کَرِ تجویز شُدٕ بِلہِ پٮ۪ٹھ مُشترکہٕ حکمت عملی بناونٕچ وۄمید ۔تٔمۍ ووٚن زِ انڈیا بلاکس پیٚیہِ اِکہٕ وٹہٕ فٲصلہٕ کرُن زِ امہِ بلہِ ہُنٛد کیا ردعمل آسہِ تہٕ پارلیمنٹَس منٛز کیا آسہِ تِہُنٛد کِردار۔ ‘کُنی زَن کٲم کرن واجنہِ انفرٲدی جمٲژ آسہِ نہٕ کارگر۔