*پی ڈی پی یَن کور آر ایس اِنتِخابس مَنٛز بی جے پی یَس اُردوٗ مَسلہٕ تُلِتھ مدد، کٔرٕن توجہٕ پھِرِتھ*اردو زبان تراونُک چھُنہٕ کانٛہہ منصوبہٕ* : وزیر اعلیٰ عمر عبداللہ

وزیر اعلیٰ عمر عبداللہ ہَن کوٚر جمعہ دۄہ پیپلز ڈیموکریٹک پارٹی (پی ڈی پی) پیٹھ راجیہ سبھایہِ منٛز بھارتیہ جنتا پارٹی (بی جے پی) مدد کرنُک اِلزام۔ تٔمۍ کوٚر داعوا زِ پی ڈی پی چھِ وۄنۍ اُردوٗ ہُنٛد مَسلہٕ صرف بی جے پی یَس مَدد کرنَس منٛز پننہِ کِردارٕ نِش ہٹاونہٕ خٲطرٕ اُردوٗ ہُنٛد مَسلہٕ تُلان۔خبر رساں ایجنسی کشمیر نیوز آبزرور (کے این او) مُطٲبِق کوٚر عمرَن صحافیَن سۭتۍ کتھ باتھ کٔرِتھ زِ پی ڈی پی یَن کٔر راجیہ سبھا اِنتِخابس منٛز بی جے پی ہٕنٛز حمایت۔”اَمہِ مۄکھٕ چھِ تِم اُردو، اُردوٗ وَنان۔ تِم چھِ اَکہِ اَتھٕ سۭتۍ کینٛہہ ہاوان تہٕ دوٚیمہِ اَتھٕ سۭتۍ بیٚیہِ کینٛہہ کران۔ تِمو کٔر راجیہ سبھایہِ منٛز بی جے پی یَس مدد، تہٕ تِم چھِنہٕ یژھان زِ لوٗکھ کرن اتھ کُن توجہٕ۔ تِم چھِ اُردوٗ مُتلِق کَتھ کَران۔ میہ چھہ گۅڈے واضح کورمُت زِ اردو کس بارس منز چھہ نہ تہندس دعوس منز کانہہ حقیقت۔ تِم روزن نہٕ زانہہ امہِ نِش پرہیز ۔