*رامبن نوجوان آو 20 دۄہو پتہٕ مومُت لبنہٕ، 4 گرفتار، ایس آئی ٹی آو بناونہٕ*

حُکامَن ووٚن زِ رامبانُک اکھ 22 وُہُر نوجوان، یُس شَکاوَر ‘گاو چوکیدارَن’ نِش ژلنہٕ وِزِ مبینہ طور أکِس نالہِ منٛز وۄٹھ ترٛاونہٕ پتہٕ 20 دۄہَن لاپتہ اوس، آو بَٹہٕ وارِ دۄہ موٗدمُت لبنہٕ۔أکۍ اہلکارَن ووٚن خبر رساں ایجنسی کشمیر نیوز آبزرور (کے این او) زِ لاش ٲسٕکھ رامبن ضِلعہٕ کِس کرالنا دگڈولَس نزدیٖک نالہ بشلاری پٮ۪ٹھٕ برآمد کٔرمٕژ۔تٔمۍ ووٚن زِ یہِ نوجوان اوس 12 اپریل جموں سری نگر قومی شاہراہَس پٮ۪ٹھ مکرکوٹَس نزدیٖک جموں پٮ۪ٹھٕ پننِس آبٲیی گامَس تام سفر کران لاپتہ گوٚمُت، ییٚلہِ أمِس مبینہ طور رُکاونہٕ تہٕ حملہٕ آو کرنہٕ۔ امہِ پتہٕ ووت أمۍ نالہِ منٛز وۄٹھ تہٕ روٗد نہٕ کانٛہہ سراغ۔أکۍ اہلکارَن ووٚن زِ "آز آیہِ لاش ڈِگڈولَس نزدیٖک نالہِ منٛز وچھنہٕ تہٕ بچاو کٔرمٕژ ٹیمَو دٔسۍ آیہِ بازیافت کرنہٕ”۔مرن وٲلِس سٕنٛز شناخت ٲس عبدال سُنٛد نیٚچُو، تنویر احمد چوپن (22) ناوٕ سۭتۍ کرنہٕ آمٕژ.