ایل او سی پٮ۪ٹُکھ صورتحال چُھ1947 ہُک فٲصلہٕ صحیٖح ثٲبت کران: وزیر اعلیٰ عمر عبداللہ۔

وزیر اعلیٰ عمر عبداللہ ہَن ووٚن زِ لائن آف کنٹرولَس اپٲرِم صورتحال چُھ ظٲہِر کران زِ جموں و کشمیر کٮ۪ن رہنُماہن ہُنٛد 80 ؤری برٛونٛہہ نِنہٕ  آمُت فٲصلہٕ اوس صحیٖح۔سرینگر کِس بخشی سٹیڈیمَس منٛز یوم آزادی ہٕنٛزِ اہم تقریٖبہِ منٛز تقریر کران ووٚن عمرَن زِ "ییٚلہِ بہٕ از سرحد اپارِ تہٕ ایل او سی وُچھان چھُس، مےٚ چھُ احساس گژھان زِ 80 ؤری برٛونٛہہ اوس سانٮ۪و رہنُماہو سانہِ خٲطرٕ صحیح انتخاب کوٚرمُت۔عمرَن ووٚن زِ جموں و کشمیرکٮ۪ولوٗکَو لوٚڑ 1947 ہَس منٛز قبیٖلہٕ حملہٕ آورَن تہٕ دراندازَن سٍتۍ ہِنٛدوستٲنۍ فوج یور یِنہٕ برٛونٛہہ۔