کٔشیٖرِ منٛز  انٹرن ڈاکٹرَن ہُنٛد احتجاج، رٮ۪تہٕ وظیفس منٛز ہُریرٕچ منٛگ۔

گورنمنٹ میڈیکل کالج اینڈ ہسپتال (جی ایم سی) بارامولا ہَس منٛز کٔر ایم بی بی ایس اِنٹرنَو احتجاج تہٕ کٔر تِہنٛدِس رٮ۪تہٕ وار وظیفَس منٛز ہُرٮ۪ر کرنٕچ منٛگ۔ مُظٲہِر کَرن والٮ۪و انٹرنَو کوٚر داعوا زِ یُس وظیفہٕ تِمَن مِلَن چھُ سٮ۪ٹھاہ کم تہٕ ہنگٲمی حالاتَن منٛز دۄہ رات کٲم کرنُک معاوضہٕ چھُنہٕ ناکٲفی۔ 

گورنمنٹ میڈیکل کالج تہٕ ہسپتالَس منٛز جمع گژھَن والٮ۪و انٹرنَو ووٚن احتجاجَس دوران زِ تِم چھِ ؤری وادَو پٮ۪ٹھ نظر انداز کرنہٕ آمٕتۍ۔ أکِس احتجاجی انٹرنَن ووٚن زِ تِمَن چھِ صِرِف باہ ساس ترےٚ ہتھ رۄپیہِ فی رٮ۪تہٕ دِنہٕ یِوان، یُس واریاہ کم چھُ۔ 

مُلکہٕ کین باقٕے رِیاستن ہُند حوالہٕ دِتھ وون تِمو زِ تتہِ چھِ أکِس انٹرن ڈاکٹرس ماہانہٕ وُہ پیٹھٕ ترٕہ ساس رۄپیہِ وظیفہٕ مِلان۔ مُظٲہِر کَرن والٮ۪و انٹرنَو ووٚن زِ تِمَو چھِ مُتعلقہٕ حکامَن سۭتۍ واریاہ لَٹہِ کَتھ کٔرمٕژ، مگر زٔمیٖنَس پٮ۪ٹھ گٔیہِ نہٕ کانٛہہ کاروٲیی ۔