شوپیانَس منٛز مُشترکہٕ فوجٕچ کاروٲئی، ژوٗنٛٹھۍ باغہٕ منٛزٕ ہتھیار تہٕ گولہٕ بوروٗد برآمد۔

جنوٗبی کشمیر کِس شوپیاں ضِلعس منٛز أکِس مُشترکہٕ کارروٲیِس منٛز کوٚر سیکورٹی فورسَن اَکہِ شَکاوَر دہشت گردَن ہُنٛد ٹھۄپہٕ نِش بے نقاب کرنُک داعوا تہٕ کوٚرُکھ بٔڑِس مِقدارَس منٛز ہتھیار تہٕ گولہٕ بوروٗد برآمد ۔ برآمد کرنہٕ آمٕتہِ چیٖزَن منٛز چھِ اے کے 47 رائفل، اکھ پستول، گرنیڈ، میگزین تہٕ مُختٔلِف قٕسمٕک کارتوس شٲمِل۔ 

پُلسہٕ ذرایعو مُطٲبِق اوس شوپیان کِس نائک پورہ میمندر علاقَس منٛز کاروٲیی مخصوٗص خفیہ خفیہ زانکٲری پٮ۪ٹھ مبنی۔ جموں و کشمیر پولیس، 44 راشٹریہ رائفلز، تہٕ سی آر پی ایف پٮ۪ٹھ مشتمل أکہِ مُشترکہٕ ٹیمَن کٔر علاقَس منٛز تلاشٕچ کاروٲیی شُروٗع۔ 

ذٔرایعَو وون زِ سیکیورٹی اہلکارَو کٔر علاقَس منٛز ژوٗنٛٹھۍ کِس باغَس پٮ۪ٹھ تلٲشی، ییٚتہِ تِمَو أکِس شَکاوَر جایہِ ہُنٛد پتہ لوٚگ۔ تلٲشی دوران کٔر تِمو اکھ اے کے 47 رائفل، زٕ اے کے 47 میگزین، تہٕ 7.62 ملی میٹر گولہٕ بوروٗدٕک 60 راؤنڈ برآمد ۔