مُلکَس مَنٛز روزنہٕ خٲطرٕ چھُنہٕ مُسلمانَن آر ایس ایس سرٹیفکیٹ ضوروٗرَتھ: ڈاکٹر ہربخش سنگھ 

جموں و کشمیرَس منٛز آو أمۍ سٕنٛزِ پارٹی ہٕنٛدِ طرفہٕ آز ترالس منٛز اکھ پروگرام منعقد کرنہٕ، ییٚمیُک صدارت پارٹی ترجمان ڈاکٹر ہربخش سنگھن کٔر، ییٚلہِ زَن اَتھ موقعس پیٹھ واریاہ لوٗکھ پارٹی منٛز شٲمِل گٔیہِ۔ نَوین ارکانَن ہُنٛد خیر مقدم کٔرِتھ ووٚن ڈاکٹر ہربخش سنگھَن زِ تِہٕنٛز شٲمِل گژھنہٕ سۭتۍ بَنہِ پارٹی مضبوٗط۔ 

اَتھ موقعس پیٹھ ووٚن تٔمۍ یہِ تہِ زِ تٔمۍ سٕنٛز پارٹی لَڑِ کٔشیٖرِ قٲدٮ۪ن جیلَن منٛز یَلہٕ ترٛاونہٕ باپتھ قونوٗنی جنگ، بیٚیہِ ووٚن زِ مرکٔزی حکوٗمتَس پَزِ جیلَن منٛز نوجوانَن خٲطرٕ عام معٲفی ہُنٛد اعلان کرُن۔ 

آر اٮ۪س اٮ۪س سربراہ موہن بھاگوت سٕنٛدِس بیانَس پٮ۪ٹھ ردِعمل دِوان ڈاکٹر ہربخش سنگھَن وون زِ مُلکٕک مُسلمانَن چھُنہٕ آر اٮ۪س اٮ۪س طرفہٕ سرٹِفکیٹٕچ ضروٗرت، تِکیازِ مُلکٕچ آزٲدی ہِنٛدِس جدوجہدَس منٛز چھِ مُسلمانَو تہِ باقٕے مذہبَن ہِنٛدٮ۪ن لوٗکَن سۭتۍ لازوال قۄربٲنی دِژمٕژ، تہٕ یِم از یِتھۍ بیان دِوان چھِ تِم چھِ قومَس خٕلاف۔