جوٚمَس منٛز سکوٗلَن تہٕ تٲلیٖمی اِدارَن منٛز جنک فوٗڈٕچ کٕننس، فروغ دِنس تہٕ استعمال کرنس پٮ۪ٹھ پابٔنٛدی۔

ڈائریکٹوریٹ آف سکول ایجوکیشن جموں ہن چھِ شُرین تہٕ طٲلبہِ عٔلِمن ہٕنٛز صحت، غذٲییت تہٕ جسمٲنی نشوونما مدنظر تھٲوِتھ جموں ڈویژنَس منٛز تمام سرکٲرۍ تہٕ نجی تسلیم شُدٕ سکوٗلَن، کوچنگ سینٹرَن تہٕ باقٕے تٲلیٖمی اِدارَن منٛز جنک تہٕ فاسٹ فوٗڈٕچ کٕنن، ذخیرٕ، نُمٲیشہِ، فروغ تہٕ بٲگراونَس پیٹھ فوری پابٔنٛدی عائد کرنٕچ ہِدایَت جٲری کٔرمٕژ۔ 

ڈائریکٹوریٹ کہِ طرفہٕ جٲری کَرنہٕ آمٕتۍ سرکلرَس مُطٲبِق آسہِ کاربونیٹیڈ تہٕ زِیٛادٕ شوگر شربت، چاکلیٹ تہٕ مِٹھائی، فوری یا پیک شُدٕ نوڈلز، پیزا، برگر، چپس، پیک شُدٕ تٔلِتھ تہٕ نمکین چیٖز، تہٕ باقٕے کھیٛنَن ہٕنٛز فروخت تہٕ فروغ دِنس پیٹھ پابندی لگاونہٕ یِنہٕ یِم کھنٛڈٕ، چربی یا نوٗنہٕ زیادٕ آسہِ۔ سرکلرَس منٛز چھُ یِتہِ وَننہٕ آمُت زِ سکولَن ہٕنٛدِس مرکزی دروازَن ہٕنٛدِس 50 میٹر کِس دٲیرَس منٛز تہِ، HFSS کھیٛن یعنی چربی، کھنٛڈٕ تہٕ نوٗنہٕ وٲلۍ کھیٛن کٕننَس پیٹھ ییہِ پابٔنٛدی کرنہٕ۔