جموں و کشمیرَس منٛز  وُزملہٕ گگرایو سان رودٕچ پیشنگوئی، سرینگر-جموں شاہراہَس پٮ۪ٹھ ٹریفک مُتٲثِر 

یِنہٕ والٮ۪ن کینٛہَن دۄہَن منٛز ہیٚکہِ جموں و کشمیرَس منٛز گرٛیٚز، بجلی ، تیز واو تہٕ واریاہ روٗد پیٚتھ، ییٚلہِ زَن محکمہٕ موسمیاتَن چھِ حساس علاقَن منٛز اچانک سٔہلاب، پَسہٕ ؤسِتھ تہٕ زمینہِ پیٚنٕچ وارننگ جٲری کٔرمٕژ۔ 

مركزی زیر انتظام علاقہٕ خٲطرٕ محکمہ موسمیات طرفہٕ جٲری کرنہٕ آمٕژ تازٕ ترین ایڈوائزری مُطٲبِق ہیکہِ مُختٔلِف جاین روٗد یا گرٛاے یِتھ، خاص پٲٹھۍ 4 ستمبر ۔ یِنہٕ والٮ۪ن پانٛژن دۄہَن منٛز چُھ مُختٔلِف جاین 40 پیٹھٕ 50 کلومیٹر فی گھنٹہٕ رفتارٕ سۭتۍ گرٛگٲر، بجلی تہٕ تیز واو ہُنٛد اِمکان، یُس 60 کلومیٹر فی گھنٹہٕ تام وٲتِتھ۔ 

یہِ پیشن گویی چھِ تِتھۍ وِزِ آمٕژ ییٚلہِ جموں و کشمیر کٮ۪ن مُختلِف حِصن منٛز گۄڈَے ریکارڈ روٗد درٕج کرنہٕ آمُت۔ بۄدوارِ دۄہ ختم گژھن وٲلِس 24 گھنٹَن منٛز آو کتھواہَس منٛز 101.8 ملی میٹر روٗد ریکارڈ کرنہٕ، یُس درٕج مقامَن منٛز سارِوٕے کھۄتہٕ زِیٛادٕ اوس۔