بی جے پی کَرِ یِنہٕ وٲلِس اسمبلی اجلاسَس منٛز عوٲمی مسلہٕ تُلنہٕ خٲطرٕ جموں و کشمیر کٮ۪ن تمام ضِلعن ہُنٛد دورٕ۔ 

بھارتیہ جنتا پارٹی (بی جے پی) جموں و کشمیر یونٹ سوزِ پنٕنۍ ایم ایل اے 7 پٮ۪ٹھہٕ 20 ستمبرَس تام تمام ضِلعن منٛز عوٲمی آؤٹ ریچ پروگرامَس پٮ۪ٹھ تاکہ عوٲمی شِکایتہٕ بوزنہٕ پتہٕ یِن عوٲمی مسٲیِل یِنہٕ واجنہِ اسمبلی ہٕنٛزِ کاروٲیی دوران تُلنہٕ۔ 

اتھ پروگرامس آیہِ پارٹی ہیڈ کوارٹرَس منٛز مُنعقد بی جے پی ایم ایل اے میٹنگہِ منٛز حتمی شکل دِنہٕ۔ آؤٹ ریچ پروگرامٕچ قیادت کَرِ اسمبلی منٛز حزب اِختلافُک رہنُما سنیل شرما۔ پروگرامُک آغاز  سپُد از 7 ستمبر پوٗنٛچھ کِس دورٕ سٍتۍ۔ 

پارٹی ہٕنٛدِ طرفہٕ جٲری کَرنہٕ آمتِس بیانَس مُطٲبِق کَرن بی جے پی ایم ایل اے جموں و کشمیر کٮ۪ن تمام انتظٲمی ضِلعن ہُنٛد دورٕ۔ تِم سمکھَن دور دراز گامَن، بستین تہٕ قصبَن ہٕنٛدٮ۪ن لوٗکَن تِہٕنٛدۍ خدشات بوزنہٕ خٲطرٕ تہٕ کرن تِمن مسلن ہٕنٛز نشاندہی ۔