ریاستی حیثیت تہٕ اہم مسلن پیٹھ مرکزس سۭتۍ رٲبطہٕ: وزیر اعلیٰ عمرعبداللہ
وزیر اعلیٰ عمر عبداللہ ہَن ووٚن زِ سُہ چھُ جموں و کشمیرَس سۭتۍ وابستہٕ واریاہَن مسلَن مُتعلِق مرکٔزی ؤزیٖر داخلہ امیت شاہَس سۭتۍ لگاتار رٲبطس منٛز ، یَتھ منٛز ریاستُک درجہٕ بحال تہٕ کاربٲری قٲیدٕ شٲمِل چھِ۔
پرٛژار ؤسیلٖو مُطٲبِق چھِ صحافیَن سۭتۍ کَتھ باتھ کران وزیر اعلیٰ عمرَن ووٚنمُت زِ جموں و کشمیر تہٕ مرکزَس درمیان چھِ واریاہ مسلہٕ۔ تٔمۍ ووٚن زِ "چاہے یہِ ریاستٕچ حیثیت مُتعلق آسہِ یا کاربٲری قونوٗنَن مُتلِق، بہٕ چھُس وزیرداخلہ سۭتۍلگاتار رٲبطس منٛز”۔
تٔمۍ ووٚن زِ جموں و کشمیر کابینہن چھُ رِزرویشن معاملَس پٮ۪ٹھ پنُن جواب تیار کوٚرمُت مگر وُنیُک تام چھُنہٕ مرکزَس سوزنہٕ آمُت تہٕ ایڈووکیٹ جنرل سُنٛد عہدٕ چھُ تقریباً دۄیو ؤرۍ یَو پٮ۪ٹھ خٲلی۔لہذا ٲسۍمےٚ واریاہ مسلہٕ تُلۍمٕتۍ وزیرِ داخلہَس سۭتۍ”۔ وزیر اعلیٰ عمرَن سمکھیوٚو حالٕے نیہِ دِلہِ منٛز وزیرِ داخلہ امیت شاہَس سۭتۍ تہٕ کٔرٕن جموں و کشمیرَس مُتلِق واریاہَن مسلَن پٮ۪ٹھ کَتھ باتھ-