میر واعظ  سُنٛدمرکزَس جموں و کشمیرَس منٛز سمٲجی تہٕ سیٲسی تنظیمَن پٮ۪ٹھ پابٔنٛدی ہُنٛد سام ہٮ۪نُک زور۔

مولوی محمد عمر فاروقَن چھُ اَتھ کَتھِ پٮ۪ٹھ زور دِیُت زِ مرکٔزی حکوٗمتَس پَزِ تِمن جماعتن سۭتۍ رٲبطہٕ کرُن یِمَن ہٕنٛز حٔقیٖقی سمٲجی تہٕ سیٲسی موجودگی آسہِ۔ کٔشیٖرِ ہٕنٛدِ مشہوٗر مذہبی رہنُما میر واعظ عمر فاروقَن ووٚن زِ مرکزَس پَزِ جموں و کشمیرَس منٛز سمٲجی تہٕ سیٲسی تنظیمَن پیٹھ پابٔنٛدی لاگنہٕ کِس فٲصلس  پٮ۪ٹھ دُبارٕ غور کرُن، تِکیازِ یہِ کرُن گژھِ امن تہٕ استحکام کِس مفادَس منٛز درٕج۔ کٔشیٖرِ ہُنٛد میر واعظ ڈاکٹر مولوی محمد عمر فاروق ٲسۍ ممنوعہ تنظیم ‘جماعت اسلامی’ ہٕنٛدِس سٲبقہٕ سربراہ غلام محمد بٹ سٕنٛدِس بیانس جواب دِوان۔ بٹن اوس پننہِ تنظیمہِ ہُنٛد ناو بدلٲوِتھ ‘جسٹس اینڈ ڈیولپمنٹ فرنٹ’ تھوومُت۔ یہِ چھِ اکھ سیٲسی جمٲژ یۄس 2024 اسمبلی اِنتِخابس برٛونٛہہ جماعت نِش الگ گٔیہِ۔ مولوی محمد عمر فاروقَن کوٚر سوشل میڈیا پلیٹ فارم ایکس پٮ۪ٹھ اکھ پوسٹ شیئر، یَتھ منٛز تٔمۍ ووٚنمُت چُھ  زِ ‘یہِ روزِ امن تہٕ استحکام کِس مفادَس منٛز زِ  مرکزن نِیُوِ لوٗکَن ہٕنٛزن اپیٖلَن پٮ۪ٹھ توجہ دِنہٕ تہٕ جموں و کشمیرَس منٛز سمٲجی تہٕ سیٲسی تنظیمَن پیٹھ پابٔنٛدی لگاونہٕ چہِ پننہِ پالیسی ہُنٛد جٲیز”۔