کورٮ۪ن حوصلہٕ اَفزٲیی باپتھ کوٚر پلوامہ پولیسن زنانَن  ہٕنٛدِ کرکٹ ٹورنامنٹُک انعقاد۔ 

پلوامہ پولیسَن کوٚر پلوامہ ضِلعہٕ کِس نکلورہ علاقَس منٛز کرکٹ ٹورنامنٹ مُنعقد تاکہِ کورٮ۪ن یِیہِ پننٮ۪ن صلٲحیتَن ہُنٛد مُظٲہرٕ کرنہٕ خٲطرٕ اکھ بہتر پلیٹ فارم فراہم کرنہٕ۔ ٹورنامنٹُک فائنل میچ آو سٮ۪ٹھاہ جوشہٕ سان گِنٛدنہٕ۔ فائنل میچ آوگریس الیون پلوامہ تہٕ پلوامہ سٹرائیکرَس درمیان گِنٛدنہٕ ۔ شاندار کارکردٕگی ہُنٛد مظٲہرٕ کٔرِتھ زیٛوٗن گریس الیون پلواماہَن ٹورنامنٹ ۔ ضِلعہٕ کیٚو مُختٔلِف حِصَو پٮ۪ٹھ کٔر شیٚیو ٹیٖمو اَتھ ٹورنامنٹَس منٛز  شِرکت۔ ٹورنامنٹُک مقصد اوس کورٮ۪ن ہٕنٛز کرکٹٕچ مہارت بڑاوٕنۍ تہٕ تِمن پننہِ صلٲحِیت ظٲہِر کرنہٕ خٲطرٕ اکھ بہتر پلیٹ فارم فراہم کرُن۔ فاینَل کِس اختتامَس پٮ۪ٹھ کٔر پُلسہٕ اَفسرَو کھلٲڑٮ۪ن تہٕ دۄشوٕنی ٹیٖمَن یِہنٛزِ شاندار کارکردٕگی خٲطرٕ مُبارکباد۔ زینَن وٲلِس ٹیٖمس گریس الیون پلواماہَس مِیٖلۍ 25,000 رۄپیہِ نقدی  تہٕ  ٹرافی۔