مرگن ٹاپٕچ خوبصوٗرتی بحال کرنٕچ مُہِم، سٲلانٮ۪ن ہُنٛد استقبال کرنہٕ باپتھ ژھۅٹھ صاف۔
حالٕے دۄہَن منٛز مرگن ٹاپَس پٮ۪ٹھ سٲلانٮ۪ن تہٕ مسافرَن مُتعلِق سوشل میڈیاہَس پٮ۪ٹھ رپورٹس سنجیدگی سان نوٹ کٔرِتھ چھےٚکوکرناگ ٹورازم ڈیولپمنٹ اتھارٹی تہٕ کوکرناگ میونسپل کمیٹی اشتعراقَس منٛز تہٕ تحصیلدار لرنو سٕنٛدِس قیادتس منٛز صفٲیی ہٕنٛز اکھ خاص مُہِم شُروٗع کٔرمٕژ۔
صفٲیی ہٕنٛزِ مُہمہِ دوران کوٚر صفٲیی عملہٕ کٮ۪و اہلکارو مرگن ٹاپ کٮ۪و مُختلِف علاقَو پٮ۪ٹھٕ بٔڑِس مقدارَس ژھۅٹھ خاص پٲٹھۍ پلاسٹک تہٕ باقی غٲر بایوڈیگریڈیبل چیز جمع ۔ییٚمہِ کِس نتیجس منٛزامہِ خوبصورت علاقٕچ یعنی مرگن ٹاپچ قدرتی خوبصورتی بحال سپٕز۔
انتظامیہ مُطٲبِق چھُ یہِ اقدام کوکر ناگ انتظامیہ طرفہٕ علاقَس منٛز عام صفٲیی برقرار تھاونہٕ خٲطرٕ تہٕ خاص طور سیاحتی مقامات صاف، پُرکشش تہٕ ماحول دوست تھاونہٕ خٲطرٕ کوششن ہُنٛد اکھ حصہٕ۔