این سی بی، جموں کشمیر تہٕ پنجاب پولیس چہِ مُشترکہٕ کاروٲیی منٛز منشیات سمگلرعاقِب بشیر جلندھر پٮ۪ٹھہٕ گِرِفتار ۔
مُبینہٕ ڈرگ اسمگلر عاقب بشیر آو گرفتار کرنہٕ۔ این سی بی مُطٲبِق آیہِ عاقب بشیر سٕنٛدِ ژلنہٕ پتہٕ جموں و کشمیر تہٕ پنٛجابَس منٛز ترٛٮ۪ن دۄہَن ہٕنٛز تلٲشی تہٕ نگرٲنی ہٕنٛز کاروٲیی کرنہٕ۔ اَتھ وقتَس دوران کٔر این سی بی، جموں و کشمیر پولیس، تہٕ پنجاب پولیسَن فوری طور انٹیلی جنس معلوٗماتُک تبادلہٕ تہٕ کوٚرُکھ باہمی رٲبطہٕ قٲیِم، ییٚمہِ کِنۍشک آور سُنٛد پے لوٚگ۔
حکامَو ووٚن زِ جٔمہِ پٮ۪ٹھہٕ ژلنہٕ پتہٕ ووت عاقِب بشیر پٹھان کوٹ کِنۍ جلندھر۔ امہِ برٛونٛہہ ٲس تٔمۍ پُلیٖسس نِشہِ بچنہٕ خٲطرٕ رٲژ ہٕنٛدِس انہِ گٔٹِس منٛز جمہِ کِس نوروال فروٗٹ مارکیٹَس نزدیٖک أکِس جنگلی علاقَس منٛز پناہ نِنٕچ کوٗشِش کٔرمٕژ۔ پنٕنۍ شناخت ژوٗرِ تھاونہٕ باپتھ کٲس مشكوُكن پنٕنۍ داڑھ تہٕ مَس ، پَلَو بدلٲوِن تہٕ بدلٲوٕن پنٕنۍ شکل تہِ مگر مُشترکہٕ کاروٲیی منٛز آو سُہ گرفتار کرنہٕ۔