دہشت گردی متٲثرین ہٕنٛدٮ۪ن عیالَن خٲطرٕ ژور ایم بی بی ایس سیٹہٕ مختص ۔ 

جموں و کشمیر بورڈ آف پروفیشنل انٹرنس ایگزامینیشنن (بی او پی ای ای) چھےٚ 2026-27 تعلیٖمی وریہِ خٲطرٕ دہشت گردی سۭتۍ مُتٲثِر خاندانن خٲطرٕ سنٹرل پولہٕ پٮ۪ٹھٕ ایم بی بی ایس سیٹہٕ مختص کرِ مژٕ تہٕ اَمہِ خٲطرٕ چھِ آف لایِن درخواستہٕ تہِ طلب یِوان کرنہٕ۔ 

جٲری کرنہٕ آمتہِ نوٹیفکیشن مُطٲبِق چھِ کُل ژور سیٹہٕ مختص  یِمن کِژٕکرنہٕ آمٕژ- بہارَس منٛز اے این ماگدھ میڈیکل کالجَس منٛز اکھ سیٹ، ممبئی، مہاراشٹرا کِس گرانٹ میڈیکل کالجَس منٛز اکھ سیٹ، تہٕ راے پورچھتیس گڑھ کِس جے این ایم میڈیکل کالجَس منٛز زٕ پرائیویٹ میڈیکل سیٹہٕ۔  امیدوار گژھن جموں و کشمیرٕکۍ مُستقل باشندٕ آسٕنۍ، تہٕ عرضی گذار گژھِ دہشت گردی کِنۍ مارنہٕ آمٕتۍ  خاندانن یا معذوٗر شہری سُنٛد خانٛدارِنۍ یا شُر آسُن۔ داخلہٕ وِزِ گژھِ امیدوار کم از کم 17 وُہُر آسُن