میرواعظ سُنٛد نیہِ دِلہِ منٛز ایران کِس صدرَس سۭتۍ ملاقات، "امن قٲیم کرُن چھُ صرف انصاف کہِ ذٔریعہٕ ممکن: میرواعظ عمر فاروق

نیہِ دِلہِ منٛز کوٚر ایرانٕکۍ صدر مسعود پیششکیانَن راتھ شامَس ہندوستٲنۍ مذہبی رہنُماہن، دانشورن تہٕ کاربٲری شخصیاتن ہِنٛدِس وفدَس سۭتۍ ملاقات۔ مغربی ایشیاہَس منٛز جٲری تناوس درمیان کٔر تمام جمٲژو طرفہٕ حریت کانفرنسٕکۍ چیئرمین میرواعظ عمر فاروقَن تِمن امن، سفارت کٲرِی تہٕ انصاف خٲطرٕ سخت اپیل ۔ تِمو  ووٚن زِ ” درُس دنیاہس منٛز امن قٲیِم کرُن چھُ صرف انصاف کہِ ذٔریعہٕ مُمکِن”۔ ایرٲنی صدر مسعود پیششکیان یُس برکس سربراہ اجلاس خٲطرٕ نیہِ دِلہِ و ٲتمٕتۍ ٲسۍتہٕ  یِمو ہندوستٲنۍ مذہبی رہنُماہن، دانشورن تہٕ کاربٲری شخصیاتن ہٕنٛدِس وفدَس درمیان اعلیٰ سطحی ملاقات کوٚر تہٕ  پتہٕ  کٔرٕکھ اے این آئی یسس سۭتۍ کتھ باتھ  یتھ دوران تِمن  میرواعظ عمر فاروقَن عالمی استحکامٕچ فوری ضرورتَس پٮ۪ٹھ زور دِیُت۔