ڈپٹی کمشنر عامر اطہر خان سُنٛد ژوڈُر دورٕہ۔

بڈگامِکۍ ڈپٹی کمشنر عامر اطہر خانن چھُ ژوڈریُک دورٕ کٔرِتھ تَتہِ مختلف جٲری تہٕ ترقیٲتی منصوبن جٲیزٕ ہیوٚتمُت۔ تِمو چھُ نٔوِس بس اڈس ، شاپنگ کمپلیکسَس ، نٔوِس فُٹ برجس تہٕ ریونیو کمپلیکسَس معاینہٕ کوٚرمُت۔ ریونیو کمپلکسَس منٛز یِیہِ ایس ڈی ایم تہٕ تحصیل دفتر قٲیِم کرنہٕ، ڈپٹی کمشنرن دِتۍ افسرن یِمن منصوبن ہٕنٛز بر وقت تکمیل تہٕ تٲمیرٲتی کامٮ۪ن منٛز معیار برقرار تھاونٕکۍ ہدایت ۔تِمو چھُ دودھ گنگا نالس منٛز غٲر قونونی کان کٔنی ہٕنٛز سخت نوٹس نِوان ، ڈسٹرکٹ منرل افسرس نگرٲنی بڑاونس تہٕ خلاف ورزی کرَن والٮ۪ن خلاف کاروٲیی کرنٕکۍ ہدایت دِتۍمٕتۍ۔ اتھ موقعس پٮ۪ٹھ بوٗزۍ تِمو مقٲمی لوٗکن ہٕنٛدۍ مسلہٕ تہٕ جٲیز شکایژن ہٕنٛز اند بوٚر دِنٕچ کٔرٕکۍ یقین دِہٲنی۔