قٲضۍ گنٛڈَس منٛز ٹرک  ٹھوٗنٛچہِ سٍتۍ ٹریفک پولیس اَفسَر ہلاک

جنوٗبی کشمیر کِس کۅلگام ضِلعَس منٛز جموں سری نگر قومی شاہراہَس پٮ۪ٹھ قاضی گُنٛڈ کِس شمپورا کٔدلَس نزدیٖک سپُد ازصُبحٲے ڈیوٹی پٮ۪ٹھ موجود ٹریفک پولیس ہیڈ کانسٹیبل أکِس افسوسناک سڑک حٲدِثس منٛز ہلاک۔

حُکامَو مُطٲبِق اوس اَفسَر شاہراہَس پٮ۪ٹھ پنٕنہِ معموٗلٕچ ڈیوٹی انجام دِوان ییٚلہِ اچانک سرینگر کُن گژھَن واجنہِ تیز رفتار ٹرکہِ (رجسٹریشن نمبر JK03Q-9011)سٍتۍ لوٚگ تٔمِس سخٕت ٹاس دِیُت۔ وننہٕ چھُ یِوان زِ ٹرک ٲس ییٖژاہ تیزی سان پکان زِ ڈرایورَس رُوو قوبوُ تہٕ گاڑِ  دِیُت سیوٚدُے پولیس افسرَس ٹاس اثر اوس یوٗتاہ شدید زِ اَفسَر گوٚو شدیٖد زخمی تہٕ موٗد موقعس پٮ۪ٹھ۔ مرنہٕ وٲلِس سٕنٛز شناخت چھِ کلپورہٕکۍ روزَن وٲلِس عبدالصابر بٹ سٕنٛدِ نیٚچُوِ مشتاق احمد ناوٕ سۭتۍ کرنہٕ آمٕژ۔ ییٚلہِ واقعٕچ اطلاع آیہِ دِنہٕ، اکھ مقٲمی پولیس ٹیم ووت فوری طور واقعہٕ جایہِ تہٕ نِیُوٗکھ صورتحالُک جٲیزٕ۔ پولیس حکامَو چھُ مُتعلقہٕ قونوٗنی دفعاتن تحت باضٲبطہٕ طور اکھ مقدمہ درٕج کوٚرمُت تہٕ چھِ حٲدثٕکۍ اصلی وجوہات معلوم کرنہٕ خٲطرٕ مزید تفتیش کران۔