جموں کشمیر سرکار طرفہٕ گاندربلس منٛز ملٹی پٔرپز انڈو رسپورٹس ہالس منظوری۔

وزیر اعلیٰ عمر عبداللہ سٕنٛزِ سربراہ واجنہِ جموں کشمیر سرکارن چھِ گاندربلس منٛز نٔوینہٕ ملٹی پٔرپز انڈو رسپورٹس ہال تعمیر کرنس منظوری دِژمٕژ۔ 60*40 میٹر وٲلِس امہِ ہالہٕ کِس تٲمیرس پٮ۪ٹھ یِیہِ 6 عشاریہ اکھ 7 کرور رۅپیہِ خرچہِ۔ اتھ ہالس منٛز یِن نٔوینہٕ کھیلن ہٕنٛز سہولیژ آیتن تھاونہٕ، ییٚمہِ سٍتۍ ضلعہٕ کٮ۪ن نوجوان کھلاڑٮ۪ن پننٮ۪ن صلٲحیژن وۅتھبو دِنس تہٕ مختلف کھیلن منٛز تربیت پراونُک موقعہٕ میلہِ۔ امہِ منصوبُک مقصد چھُ مقٲمی کھیلن ہٕنٛدِس ٹیلنٹس وۅتھبو دیُن تہٕ ضلعس منٛز کھیلن ہُنٛد بنیٲدی ڈھانچہِ مزید پایدار بناوُن۔