وزیر اعظم سٕنٛدِ طرفہٕ نوِ دِلہِ منٛز "ماحولیات اور آب و ہوا کے محرکات کا مستقبل” کِس موضوعس پٮ۪ٹھ اکہِ عالمی کانفرنسہِ ہُنٛد دٔسلابہ۔

وزیر اعظم نریندر مودین  کٔراز نوِ دِلہِ منٛز "ماحولیات اور آب و ہوا کے محرکات کا مستقبل” کِس موضوعس پٮ۪ٹھ اکہِ عالمی کانفرنسہِ ہُنٛد دٔسلابہ ۔ امہِ دۅن دۅہن ہٕنٛدِ کانفرنسہِ ہُنٛد سنٛز چھُ نیشنل گرین ٹریبیونل کران۔ کانفرنسہِ منٛز آسن ماحولیاتٕکۍ مٲہر، سپریم کورٹ، ہائی کورٹ تہٕ ضلع عدالتن ہٕندۍ جج صٲب موجود۔ مختلف وزٲرژن ہٕنٛدۍ سیکریٹری تہٕ سینر افسر تہِ چھِ اتھ میٹنگہِ منٛز شرکت کران۔ ریٲستی عدلیہ ہس نسبت اکیڈیمیہِ ،قونونی خدمژن ہٕنٛز ریاستی اتھارٹی، مٲہرن ہٕنٛز ریٲستی اپریسَل کمیٹی، ماحولیات کٮ۪ن اثراتن ہُنٛد جٲیزٕ ہٮ۪نہٕ واجینٚۍ ریاستی اتھارٹی تہٕ نمبل زمینس متعلق ریاستی اتھارٹی چھِ اتھ کانفرنسہِ منٛز شرکت کران۔ اتھ کانفرنسہِ منٛز چھِ 17 ہن ملکن ہٕندۍ مشہور جج صٲب تہٕ عدالتن ہٕنٛدۍ نمٲیندٕ تہِ شرکت کران۔ کانفرنس آسہِ عدالتن متعلق نظریہ باوُن ، سائنسی معلومات، ماحولیاتس متعلق طور طریقہٕ تہٕ ادارٕ جٲرتی تجرُبن باپت اکھ پلیٹ فارَم۔ اتھ کانفرنسہِ منٛز حصہٕ نِنہٕ وٲلۍ کرَن اہم ماحولیٲتی تہٕ آب و ہواہٕچ تبدیلی کٮ۪ن معاملن پٮ۪ٹھ کتھ باتھ ۔ یِمن منٛز پالیسی سٲزی، عمل درآمد تہٕ پالیسی لاگو کرٕنۍ شٲمل چھِ۔