ازسپدِ جموں و کشمیر اسمبلی منٛز وۅستادَن خٲطرٕ ٹی ای ٹی نِش مستثنیٰ دِنہٕ خٲطرٕ اکھ قرارداد پیش ۔

از چھُ جموں و کشمیر قونوٗن ساز اسمبلی ہٕنٛدِ اجلاسُک دوٚیِم دۄہ۔ أزِچہِ کاروٲیی دوران کرِ ریاستی وزیرِ تعلیم، سکینہ ایتو اکھ قرارداد پیش یَتھ منٛز منٛگ کرنہٕ آمٕژ چھےٚ زِ وۄستاد یِیِن ٹیچر ایلیجیبلٹی ٹیسٹ (ٹی ای ٹی) نِش مستثنیٰ کرنہٕ۔

یہِ چھُ قٲبلِ ذِکِر زِ سرکٲرِۍ وۄستادَو چھےٚ ٹی ای ٹی یَس مُخٲلِفت کٔرمٕژ۔ اگر مرکٔزی حکوٗمت اَتھ قراردادَس پٮ۪ٹھ غور کَرِ تہٕ وۅستادَن رِعایت دِیہِ، یہِ آسہِ تِمَن خٲطرٕ بٔڑ راحت۔

قراردادَس منٛز چھُ وننہٕ آمُت زِ ‘یہِ ایوان چھُ متفقہ طور سخٕت مُطالبہٕ کران زِ مرکٔزی حکوٗمت کَرِ بچن ہُنٛد حق مفت تہٕ لازمی تعلیم ایکٹ، 2009 کِس دفعہٕ 23 ہَس منٛز ضروٗری قونوٗنی ترمیم تاکہ 01.01.2019 برٛونٛہہ مقرر کرنہٕ آمٕتی تمام وۄستاد یِن ٹیچر اہلیت ٹیسٹ دِنہٕ نِش مستثنیٰ کرنہٕ۔’