‘ایس آئی آر’ مُخٲلِف الیکشن کمشنرَن خٕلاف کاروٲیی ہُنٛد خوف: محبوبہ مفتی
محبوبہ مفتی ووٚن اکہِ میڈیا رپورٹُک جواب دِوان یَتھ منٛز یہِ دعویٰ اوس تِموکوٚرمُت زِ ترٛیٚیو منٛز چھِ دۄیو الیکشن کمشنرَو ایس آئی آرَس مُتعلِق سوال تُلمُت۔
جموں و کشمیرچہِ سٲبقہٕ وزیر اعلیٰ تہٕ پیپلز ڈیموکریٹک پارٹی (پی ڈی پی) صدر محبوبہ مفتی یَن کوٚر آز بھارتیہ جنتا پارٹی ہٕنٛز حکومتس پیٹھ اِنتخٲبی عمل کمزور کرنُک تہٕ مُلکَس ‘بنانا ریپبلِک’ (اکھ کمزور تہٕ غٲر مستحکم مُلک) بناونٕچ کوٗشِش کرنُک الزام عٲیِد ۔
محبوبہ مفتی ٲس انگریزی اخبار ‘دی انڈین ایکسپریس’ کِس أکِس رپورٹَس پٮ۪ٹھ ردِعمل دِوان یَتھ منٛز یہِ دعویٰ اوس کرنہٕ آمُت زِ اِنتِخابس کُن گژھَن والٮ۪ن ریاستَن منٛز، ووٹر فہرستَن ہٕنٛدِس ایس آیی آرَس دوران چھِ دۄیو الیکشن کمشنرَو 10 رٮ۪تَن منٛز 14 لَٹہِ الیکشن کمیشنٕچ کارروائیَن پٮ۪ٹھ اعتراضات تُلمٕتۍ۔ رِپورٹَس منٛز چھُ انکشاف کرنہٕ آمُت زِ ترٛٮ۪ن رُکنی الیکشن کمیشنرن انٛدر چھِ دۄیوکٔمِشنرَو سُکھبیٖر سنگھ سندھو تہٕ وِویک جوشی یَن ایس آیی آرَس مُتعلِق سوال تُلۍمٕتۍ۔
دۄشوٕنی الیکشن کمشنرن ہٕنٛدِس "ہمتس تہٕ دیانتداری” ہٕنٛز تعریف کران دِژ تِمو یہِ "وۄمیدٕچ کرن” قرار ۔